سنة‏ ‏حلوة‏ ‏يا‏ ‏عبيط‏!! حد له شوق فى حاجة.....؟؟؟؟!!!

قبل‏ ‏ما‏ ‏مخك‏ ‏يروح‏ ‏لبعيد‏ ‏احب‏ ‏اقولك‏ ‏ان‏ ‏الشخص‏ ‏ده‏ ‏مش‏ ‏موجود‏ ‏هنا‏ ..‏يعني‏ ‏مش‏ ‏انت‏ ‏المقصود‏, ‏لكن‏ ‏لو‏ ‏حسيت‏ ‏اني‏ ‏باتكلم‏ ‏عنك‏ ‏فانني‏ ‏ـ‏ ‏عادي‏ ‏جدا‏ ‏ـ‏ ‏اللي‏ ‏علي‏ ‏راسه‏ ‏بطحة‏ ..............‏اما‏ ‏العبيط‏ ‏فهو‏ ‏الذي‏ ‏عنده‏ ‏امل‏ ‏ان‏ ‏السنة‏ ‏الجديدة‏ ‏ستختلف‏ ‏عن‏ ‏السنوات‏ ‏القديمة‏ .. ‏برغم‏ ‏انه‏ ‏هو‏ ‏نفسه‏ ‏لم‏ ‏يتغير‏, ‏لم‏ ‏يقف‏ ‏مع‏ ‏نفسه‏ ‏وقفة‏ ‏رجالة‏ ‏في‏ ‏لحظة‏ ‏صدق‏ ‏ليعترف‏ ‏بانه‏ ‏مقصر‏ ‏ومهمل‏ ‏وسايب‏ ‏نفسه‏ ‏علي‏ البحرى ‏رأي‏ ‏عمك ‏محمد صلاح (اللى هوا انا)........‏وهنا‏ ‏طبعا‏ ‏من‏ ‏حقك‏ ‏تقول : ‏طيب‏ ‏يعني‏ ‏هو‏ ‏الواحد‏ ‏ممكن‏ ‏يعمل‏ ‏ايه‏ ‏في‏ ‏الظروف‏ ‏اللي‏ ‏احنا‏ ‏فيها !‏واقول‏ ‏لك‏ ‏خليك‏ ' ‏كويس‏ ' .. ‏امشي‏ ‏صح‏, ‏متبقاش‏ ‏عارف‏ ‏ان‏ ‏اللي‏ ‏انت‏ ‏بتعمله‏ ‏غلط‏ ‏وتفضل‏ ‏مكمل‏ ‏فيه‏ ‏وماشي‏ ‏زي‏ ‏القطر‏ ‏الذي‏ ‏لا‏ ‏يقف‏ ‏في‏ ‏المحطات‏, ‏واول‏ ‏حاجة‏ ‏تعملها‏ ‏انك‏ ‏لازم‏ ‏تبطل‏ ‏افترا‏ ‏وظلم‏ ‏للحكومة‏ ‏التي‏ ‏دفعت‏ ‏اللي‏ ‏وراها‏ ‏واللي‏ ‏قدامها‏ ‏عشان‏ ‏تريحك‏ ‏وتبسطك‏ ‏وآخر‏ ‏حاجة‏ ‏عملتها‏ ‏-ربنا‏ ‏يبارك‏ ‏فيها‏ -ان ‏العراقين‏ ‏يتزوجون‏ ‏مصريات‏ ‏ليحصلوا‏ ‏علي‏ ‏الاقامة‏ ..........( ‏قشطة‏ ‏يا‏ ‏معلم‏ ‏بقينا‏ ‏زي‏ ‏اوروبا‏) !!سيبك انتا خالص انت لو ‏حضرتك‏ ‏مثلا‏ ‏يعني‏ ‏فكرت‏ ‏في‏ ‏الملايين‏ ‏التي‏ ‏انفقت‏ ‏علي‏ ‏المهرجانات‏ ‏الفاشلة‏ ‏التي‏ ‏عقدت‏ ‏في‏ ‏مصر‏ ‏مؤخرا‏ ‏سواء‏ ‏مهرجان‏ ‏السينما‏ ‏او‏ ‏مهرجان‏ ‏الاعلام‏ ‏العربي‏ ‏مش‏ ‏كان‏ ‏ممكن‏ ‏تحل‏ ‏ازمة‏ ‏كام‏ ‏الف‏ ‏شاب‏ ‏كمان‏ .. ‏لكن‏ ‏ارجع‏ ‏ ‏اقولك‏ ‏احنا‏ ‏ايش‏ ‏فهمنا‏ ‏في‏ ‏الكلام‏ ‏الكبير‏ ‏ده‏ ‏اكيد‏ ‏الناس‏ ‏الكبار‏ ‏بتوع‏ ‏الحكومة‏ ‏عندهم‏ ‏رؤية‏ ‏اشمل‏ ‏واعمق‏ ‏وابعد‏ ‏من‏ ‏رؤيتنا‏ ‏القاصرة‏ ‏العبيطة‏ ‏الساذجة‏ .. ‏اكيد‏ ‏هم‏ ‏بيفكروا‏ ‏في‏ ‏الامور‏ ‏بمنظور‏ ‏افقي‏ ‏نافذ‏ ‏الي‏ ‏اعماق‏ ‏الشعور‏ ‏اكيد‏ ‏بؤرة‏ ‏تفكيرهم‏ ‏واصلة‏ ‏لأقصي‏ ‏نقطة‏ ‏في‏ ‏استراتيجية‏ ‏الالتحام‏ ‏بالجماهير‏. ‏ومع‏ ‏ذلك‏ ‏انت‏ ‏مصمم‏ ‏تفضل‏ ‏جاحد‏ ‏وناكر‏ ‏للجميل‏ .. ‏طول‏ ‏الوقت‏ ‏قاعد‏ ‏علي‏ ‏القهاوي‏ ‏تفتي‏ ‏في‏ ‏السياسة‏ ‏والاقتصاد‏ ‏تطلع‏ ‏اشاعات‏ ‏لا‏ ‏هدف‏ ‏من‏ ‏ورائها‏‏الا‏ '‏زغزغة‏' ‏الاستقرار‏ ‏مش‏ ‏بيقولوا‏ ‏كده‏ ‏برضه‏ - ‏مرة‏ ‏تقول‏ ‏حيعملوا‏ ‏قاهرة‏ ‏جديدة‏ ‏ومرة‏ ‏تقول‏ ‏حيلغوا‏ ‏الدعم‏ ‏وانت‏ ‏اساسا‏ ‏لا‏ ‏فاهم‏ ‏يعني‏ ‏ايه‏ ‏دعم‏ ‏ولا‏ ‏يعني‏ ‏ايه‏ ‏قاهرة‏ ‏جديدة‏ .. ‏وبعدين‏ ‏هو‏ ‏انت‏ ‏كل‏ ‏ما‏ ‏تسمع‏ ‏كلمتين‏ ‏فاضيين‏ ‏في‏ ‏برنامج‏ ‏من‏ ‏بتوع‏ ‏الفضائيات‏ ‏اللي‏ ‏ملهاش‏ ‏شغلانة‏ ‏غير‏ ‏الاثارة‏ ‏تصدق‏ ‏وتعملها‏ ‏حكاية‏.‏وعموما‏ ‏انا‏ ‏عندي‏ ‏اقتراح‏ ‏ممكن‏ ‏يحل‏ ‏المشكلة‏ ‏ويريحك‏ ‏ويريحنا‏ ‏معاك‏ ‏وهو‏ ‏ان‏ ‏كل‏ ‏مواطن‏ ‏من‏ ‏حضراتكم‏ ‏يعين‏ ‏له‏ ‏متحدث‏ ‏رسمي‏ ‏باسمه‏ ‏علشان‏ ‏يبقي‏ ‏فيه‏ ‏حد‏ ‏مسئول‏ ‏عن‏ ‏الكلام‏ ‏اللي‏ ‏بيتقال‏ .. ‏وحكاية‏ ‏المتحدث‏ ‏الرسمي‏ ‏دي‏ ‏مش‏ ‏بدعة‏ ‏ولا‏ ‏ضلالة‏ ‏ولا‏ ‏اللي‏ ‏بيعملها‏ ‏حيروح‏ ‏النار‏ ‏بدليل‏ ‏ان‏ ‏مولانا‏ ‏شيخ‏ ‏الازهر‏ ‏عين‏ ‏متحدث‏ .. ‏صحيح‏ ‏انه‏ ‏لم‏ ‏يتحدث‏ ‏بعد‏ ‏ولكن‏ ‏مسيره‏ ‏يتحدث‏ ‏وعلي‏ ‏ذكر‏ ‏الازهر‏ ‏اكيد‏ ‏حضرتك‏ ‏سمعت‏ ‏او‏ ‏قرأت‏ ‏الفتوي‏ ‏الجديدة‏ ‏التي‏ ‏افتي‏ ‏بها‏ ‏احد‏ ‏مشايخ‏ ‏الازهر‏ ‏من‏ ‏كام‏ ‏يوم‏ ‏عندما‏ ‏قال‏ ‏ان‏ ‏مرضي‏ ‏الايدز‏ ‏يموتون‏ ‏شهداء‏ ‏لانهم‏ ‏يتوبون‏ ‏الي‏ ‏الله‏ ‏توبة‏ ‏صادقة‏ ‏في‏ ‏اواخر‏ ‏ايامهم‏ .. ‏تخيل‏ ‏حضرتك‏ ‏ان‏ ‏دول‏ ‏يبقوا‏ ‏شهداء‏ ‏والغرقي‏ ‏في‏ ‏المراكب‏ ‏هربا‏ ‏من‏ ‏الفقر‏ ‏والبطالة‏ ‏يبقوا‏ ‏طماعين‏ ‏كما‏ ‏قال‏ ‏فضيلة‏ ‏المفتي‏ !!‏علي‏ ‏كل‏ ‏حال‏ ‏كل‏ ‏سنة‏ ‏وانت‏ ‏طيب‏ .. ‏وفاهم‏ ‏وعارف‏ ‏ان‏ ‏الشعب‏ ‏ده‏ ‏عمره‏ ‏ماكان‏ ‏عبيط‏ !!‏