عظيمه يا مصـــــــــــــــــــر

"عظيمه يا مصر"........ كلمة من عشر حروف... ماتعدش ورايا.....

خلينا نتكلم بجد شويه... حاجه غريبه والله.... مصر البلد الوحيد اللى فى العالم اللى الكلاب فيها قبل ماتعدى الشارع تلقيها بصت يمين وشمال الأول وبعدين تعدى.... ولما يجى واحد فينا يعدى الطريق تلقيه راح يمين فى شمال لغاية اما يوصل لنص الطريق وبعدين يرجع تانى .... يعد يلاعب فى العربيات!!!!

ويسلام ياسلام لو عادى كلب ديله مقطوع فى الشارع ويكون فيه شوية عيال صغيرة......يبقى ليلة أمه مش معديه.... العييال يفضلو يجرو وراه ويحدفوه بالطوب لغاية اما ......... و لو شافوا قطة ماشيه فى الشارع ...قطة ماشيه فى حالها تلاقى واحد يتسحب على السكت ويقولها بصوت عالى بخخخخخخخ وكلوا جرى وراها......

وحاجة غريبه والله يا أخى.....خليك راكب عربيتك وأقف فى اشارة مرور كده ويقف جانبك ميكروباص, هتلقى كل اللى فى الميكروباص بصوا عليك ...كلهم مرة واحد......معناها ايه البصه دى مش عارف!!!!

اشارة المرور اللى معمولة أصلا عشان الناس تقطعها .....اتقلبت مووول يتباع فيه فل ومناديل وفوط ودعوات ومجلات وجرايد...

ولو وانت راكن عربيتك يجى عامل النظافة يكنسلو كنستين جنب عربيتك ويضحك ويقولك كل سنه وانت طيب ياباشا................

فعلا عظيمه يامصـــــــــــــــــــــــر

على رأى اللى قال مصر أم الدنيــــــا........ وفرنسا أم اللمبى

امتـــــى تكون مبســـــــــــــــــــــوط

لما حد فى الشارع ماتعرفوش طلب منك سيجارة........تعزم عليه بالعلبة كلها....وتولعلو كمان......

لما حد يسألك على مكان ويسلام تكون عارفة....تفضل توصفله فى المكان وبالتفصيل ومش بعيد تروح معاه كمان. ولو سواق تاكسى يقولك بكل ثقه بس تعالا ورايا.........

لما واحد صاحبك يديك CD عليه فيلم ..اللى بالى بالك...ولا مسرحية العيال كبرت..........

لما تقعد فى مكان مليان بنات...................

لما تخش جمعية وتقبضها الأول........

لما يكون الفرح فيه رقاصة........

لما امين الشرطة يسبلك الرخص وتديله 5 جنيه......

لما تطلع فى التلفزيون او لما ينتشر اسمك فى الجرنال حتى لو اسمك منشور بين أسامى المتوفى........

حباية فياجرا مسا من واحد صاحبك........

لما تقرا مانشيت يفضح الحكومه ويفش غلك منها.......

لما تلاغى مزة حلوة وتضحكلك .......

لما تضرب سيجارتين حلوين مع اصحابك............

لما حد من قرايبك يخش كلية شرطه.......

لما تصحى براحتك يوم الجمعة........

لو الكلام دا فى مصـــــــــــــــــــــــــــــــر

قصة‏ قريتها وعجبتنى خالص......... وخالتنى اسأل سؤال واحد......... أقرأ الاول وانت تعرف السؤال‏

دخل‏ ‏فتي‏ ‏صغير‏ ‏إلي‏ ‏محل‏ ‏تجاري‏ ‏وجذب‏ ‏صندوقا‏ ‏إلي‏ ‏أسفل‏ ‏كابينة‏ ‏التليفون‏ ‏وقف‏ ‏الفتي‏ ‏فوق‏ ‏الصندوق‏ ‏ليصل‏ ‏إلي‏ ‏أزرار‏ ‏التليفون‏ ‏و‏ ‏بدأ‏ ‏باجراء‏ ‏مكالمة‏ .. ‏انتبه‏ ‏صاحب‏ ‏المحل‏ ‏للموقف‏ ‏وبدأ‏ ‏يستمع‏ ‏إلي‏ ‏المحادثة‏ ..‏قال‏ ‏الفتي‏: ‏سيدتي‏ ‏أيمكنني‏ ‏العمل‏ ‏لديك‏ ‏في‏ ‏تهذيب‏ ‏عشب‏ ‏حديقتكأجابت‏ ‏السيدة‏ : ‏لدي‏ ‏من‏ ‏يقوم‏ ‏بهذا‏ ‏العمل‏ . .‏قال‏ ‏الفتي‏ : ‏سأقوم‏ ‏بالعمل‏ ‏بنصف‏ ‏الأجرة‏ ‏التي‏ ‏يأخذها‏ ‏هذا‏ ‏الشخص‏ . .‏أجابت‏ ‏السيدة‏ ‏بأنها‏ ‏راضية‏ ‏بعمل‏ ‏ذلك‏ ‏الشخص‏ ‏و‏ ‏لا‏ ‏تريد‏ ‏استبداله‏.‏أصبح‏ ‏الفتي‏ ‏أكثر‏ ‏إلحاحا‏ ‏و‏ ‏قال‏: ‏سأنظف‏ ‏أيضا‏ ‏ممر‏ ‏المشاة‏ ‏و‏ ‏الرصيف‏ ‏أمام‏ ‏منزلك‏ ‏و‏ ‏ستكون‏ ‏حديقتك‏ ‏أجمل‏ ‏حديقة‏ ‏في‏ ‏المدينة‏.‏و‏ ‏مرة‏ ‏أخري‏ ‏اعتذرت‏ ‏له‏ ‏السيدة‏ ..‏فابتسم‏ ‏الفتي‏ ‏و‏ ‏أغلق‏ ‏السماعة‏.‏تقدم‏ ‏صاحب‏ ‏المحل‏- ‏الذي‏ ‏كان‏ ‏يستمع‏ ‏إلي‏ ‏المكالمة‏ ‏إلي‏ ‏الفتي‏ ‏و‏ ‏قال‏ ‏له‏ : ‏لقد‏ ‏أعجبتني‏ ‏همتك‏ ‏العالية‏ ‏و‏ ‏أحترم‏ ‏هذه‏ ‏المعنويات‏ ‏الإيجابية‏ ‏فيك‏ ‏و‏ ‏أعرض‏ ‏عليك‏ ‏فرصة‏ ‏للعمل‏ ‏لدي‏ ‏في‏ ‏المحل‏ .‏أجاب‏ ‏الفتي‏ ‏الصغير‏: ‏لا‏ ‏وشكرا‏ ‏لعرضك‏ ‏غير‏ ‏أني‏ ‏فقط‏ ‏كنت‏ ‏أتأكد‏ ‏من‏ ‏أدائي‏ ‏للعمل‏ ‏الذي‏ ‏أقوم‏ ‏به‏ ‏حاليا‏ . . ‏فأنا‏ ‏الذي‏ ‏أعمل‏ ‏عند‏ ‏هذه‏ ‏السيدة‏ ‏التي‏ ‏كنت‏ ‏اكلمها‏ !!‏‏..‏انتهت‏ ‏القصة‏ .. ‏ويبقي‏ ‏سؤال‏ :‏تفتكر‏ ‏ماذا‏ ‏يحدث‏ ‏لو‏ ‏كان‏ ‏هذا‏ ‏الفتي‏ ‏يعمل‏ ‏عندنا‏ ‏هنا‏ ‏في‏ ‏مصر‏ !‏اقول‏ ‏لك‏ : ‏كانت‏ ‏السيدة‏ ‏سوف‏ ‏توافق‏ ‏علي‏ ‏عرض‏ ‏من‏ ‏يحدثها‏ ‏في‏ ‏التليفون‏ ‏وهي‏ ‏لا‏ ‏تعرف‏ ‏انه‏ ‏هو‏ ‏نفسه‏ ‏الذي‏ ‏يعمل‏ ‏عندها‏ .. ‏ثم‏ ‏تنتظر‏ ‏عودته‏ ‏الي‏ ‏بيتها‏ ‏لينظف‏ ‏الحديقة‏ ‏وتضع‏ ‏في‏ ‏جيبه‏ ‏ورقة‏ ‏بخمسين‏ ‏جنيها‏ ‏دون‏ ‏ان‏ ‏يشعر‏ ‏بعد‏ ‏ان‏ ‏تضع‏ ‏عليها‏ ‏علامة‏ ‏معينة‏ ‏وفجأة‏ ‏تتهمه‏ ‏بالسرقة‏ ‏وتضبطه‏ ‏متلبسا‏ ‏وتطرده‏ ‏من‏ ‏العمل‏ ‏او‏ ‏تسلمه‏ ‏للبوليس‏ ‏لتأتي‏ ‏بالاخر‏ ‏الذي‏ ‏قال‏ ‏لها‏ ‏انه‏ ‏سيحصل‏ ‏علي‏ ‏نصف‏ ‏الاجر‏ !!!!!

حتـــــــــــــــه ع المــاشــــــــــــــــــــى

تعرف لو انك خت صورة بالكاميرا فى يوم القمر يكون كامل فيه ...........هتلاقى صور أشباح .... وهتلاحظ الكلام دا..!!!!!

تعرف كمان انك لو حطيت بصل على اى صودا هيتكونلك غاز الاستندونيوم السام جدا والقاتل.....!!!! واللى متعرفوش بأه انك لو كلت فاكهه بعد شربك للقهوه هتموت فورا ودى حقيقة لم يستطع العلماء تفسيرها حتى الان.............!!!!!!!

والاكتر من كدة انك لو نمت على الرمل لمدة خمس ساعات متواصلة .....هتلاقى نفسك فى الجهه التانية من الكرة الارضيه..!!! ودى حقيقة غير مجربه حتى الان!!!!

والاغرب من كدة وكدة انك لو قلت زوبــــــــــــــــــــــــــاع زواوابيـــــــــــــــــــــــــــــــــع عسواج سواويييع .......هتسمع اصوات اشباح ....!!!!!!

واللى ماحدش ألوهولك خالص بأه انك لو صدقت كل الكلام اللى فات فحرام انك تدخل المدونه دى أصـــــــــــــــــــــــــــــلا..........