"عظيمه يا مصر"........ كلمة من عشر حروف... ماتعدش ورايا.....
خلينا نتكلم بجد شويه... حاجه غريبه والله.... مصر البلد الوحيد اللى فى العالم اللى الكلاب فيها قبل ماتعدى الشارع تلقيها بصت يمين وشمال الأول وبعدين تعدى.... ولما يجى واحد فينا يعدى الطريق تلقيه راح يمين فى شمال لغاية اما يوصل لنص الطريق وبعدين يرجع تانى .... يعد يلاعب فى العربيات!!!!
ويسلام ياسلام لو عادى كلب ديله مقطوع فى الشارع ويكون فيه شوية عيال صغيرة......يبقى ليلة أمه مش معديه.... العييال يفضلو يجرو وراه ويحدفوه بالطوب لغاية اما ......... و لو شافوا قطة ماشيه فى الشارع ...قطة ماشيه فى حالها تلاقى واحد يتسحب على السكت ويقولها بصوت عالى بخخخخخخخ وكلوا جرى وراها......
وحاجة غريبه والله يا أخى.....خليك راكب عربيتك وأقف فى اشارة مرور كده ويقف جانبك ميكروباص, هتلقى كل اللى فى الميكروباص بصوا عليك ...كلهم مرة واحد......معناها ايه البصه دى مش عارف!!!!
اشارة المرور اللى معمولة أصلا عشان الناس تقطعها .....اتقلبت مووول يتباع فيه فل ومناديل وفوط ودعوات ومجلات وجرايد...
ولو وانت راكن عربيتك يجى عامل النظافة يكنسلو كنستين جنب عربيتك ويضحك ويقولك كل سنه وانت طيب ياباشا................
فعلا عظيمه يامصـــــــــــــــــــــــر
على رأى اللى قال مصر أم الدنيــــــا........ وفرنسا أم اللمبى
هناك ٩ تعليقات:
أنا فى الأول والأخيير مصرى وبحب مصر
واللى مش عاجبه يغير المحطة
ههههههههههه والله لو قعدت تكتب لإمتى مش حتخلص
وبرضه عظيمة يا مصر :)
على فكرة الأغنية دي جامدة جدا
هههه تحيا جمهويةماسك العربيه يا أحمد باشا
طبعا مصر عظيمة
مفيش جدال
بس فيها سلبيات كتيرة جدا
سواء شعبها و سلوكياتنا الغلط
او يعنى الناس التانية ربنا يكفينا شرهم
اتمني ان مصر تبقى عظيمة اكتر بناسها و سلوكياتهم و تقدمهم و تطورها
فكرتني بخالتي فرنسا
هههههههههههههههههه
تحياتي
أكيد ياباشا هتفضل عظيمه على طول بناسها وأهلها الى عايشين واللى ميتين كمان....متستغربشى أوى ما مصر البلد الوحيد اللى فى العالم اللى الناس الميته فيها هيا الى بتصرف على الناس اللى صاحيه..(الفراعنه).
أنا سعيد جدا بتعليقك وانتا والباشا الكبير أحمد منتصر....(عشان مافيش الا انتو أصلا بتعلقوا عليا....
ما بلاش الصورة التشائمية أوي دي
صحيح في سلبيات وسلوكيات كتير غلط وحاجات كتير ممكن تكون خنقاك وما أنتش مقتنع بيها
بس في الأخر بلدنا حلوة وتستحق نحبها
تحياتي
أكيد طبعا ياهبه....زى مافى سلبيات فى ايجابيات وكتيييرة أوى
بس هتفضل برده هيا بلدى
شكرا لمرورك
اذيك يا محمد انا فيرس
احب اكون اخر رد ليك علي المدونه علشان مش لحقت اول رد شكللك معجبينك كتير
المهم يابني ديه حياه مقسويه احنا بنعشها وهنفضل نعشها علي طول
بغض النظر عن مين الريس او مين الامام متام الشعب عافل عن عبادة الرحمن
وشكرا
من فيرس
وطبعا لو فكرت تقرا اى اى حوار فى الاوتوبيس حتلاقى الكل مشارك معاك واياك تقلب الصفحة الا لما الى حواليك يتفرجوا
ولو قولت لصاحبك نكتة حتلاقى البشر كلة ضحك ما عدا واحد غلس حيقولك ابة
وانت اصلا بتوشوش فى الوشاويش
على رائ محى الشرقاوى
ياريت كل واحد يبقى ف حالة
إرسال تعليق